Екипата на Фулам е третиот патник во Чемпионшип дивизијата на Англија покрај Шефилд Јунајтед и ВБА. Составот на Скот Паркер вечерва го загуби премиерлигашкиот статус откако загуби на домашен терен од Барнли со 0:2 и со тоа веќе немаат ни математички шанси за опстанок. Головите ги постигнаа Вествуд и Крис Вуд во првото полувреме.
Фулам го доживеа 18. пораз сезонава и по една сезона во елитата се враќаат во второлигашки ранг.
Фулам е втора најнеефикасна екипа во првенството (25 гола), само последниот Шефилд Јунајтед има помалку од нив. Забележаа само пет победи, а само две на домашен терен и само девет голови на домашен терен досега. Па не попусто лондонскиот тим се сели во понизок ранг.
Барнли со оваа победа се искачи на 14. место.
sportmedia.mk