logo
logo
logo

Фудбалерот поради кој Нуњез доби црвен картон ги пријави заканите во полиција

Vecer | 16.08.2022

Фудбалерот поради кој Нуњез доби црвен картон ги пријави заканите во полиција

Данскиот фудбалер Јоаким Андерсен решил да ги пријави во полиција бројните смртни закани кои ги добива веќе втор ден преку социјалните мрежи откако тој учествуваше во инцидентот по кој домашниот играч Дарвин Нуњез беше исклучен, бидејќи го удира со глава.

Андерсен во истиот инцидент заработи жолт картон, бидејќи одзади го турна Уругваецот, кој потоа се сврте и со челото го удри во брадата данскиот стопер, кој веднаш се струполи на тревникот. Судијата Пол Тиерни без двоумење му го покажа патот до соблекувалната на Нуњез.

Во вторникот Данецот во објава на Инстаграм напиша дека претходната вечер добил меѓу 300 и 400 заканувачки пораки.

„Разбирам дека го поддржувате својот тим, но имајте почит и престанете да се заканувате на интернет“, напиша Данецот, а како доказ објави дел од пораките што ги добил.

„Јас… Ќе те убијам. Тебе и твоето семејство. Е…. ќе се видиме утре. Се гледаме 😉 Ќе умреш“, напишал еден од корисниците.

„Се надевам дека ќе имаш долг живот полн со болка, и ти и твоето семејство“, напишал друг корисник.


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk