Контроверзниот француски тенисер Беноа Пер изјави дека воопшто не му е жал што прерано испадна од турнирот во Акапулко, Мексико. Пер изгуби од Гркот Стефанос Циципас со 6:3,6:1 за околу еден час.
„Подобро да испаднам во првото коло. Можам бргу да го напуштам балонот и да уживам неколку дена пред Мајами. Тенисот не ми е приоритет во моментов“, изјави Пер.
„Доаѓам на турнир, ќе заработам малку пари и одам на друг. Ако победите на турнир од серијата 250, можете да добиете само 30.000 долари. Кога ќе испаднам во првото коло, ќе земам 10.000 долари. Па не сум луд. Зошто да се мачам за малку повеќе пари?“, изјави Пер.
sportmedia.mk