Ханси Флик по мечот со Волфсбург го извести раководството на Баерн дека сака да го раскине договорот и да си замине на крајот на сезона. Стратегот на баварскиот гигант не сакал да ја открие причината, излезе со кратко објаснување.

„Сакам да ја раскинам соработката на крајот на сезоната. Тоа е факт и ми беше многу важно да слушнат од мене. Одлуката не беше лесна. Јас сум навивач на овој клуб, затоа сум им благодарен за шансата која ми ја дадоа. Направивме добра работа во претходните две години“, изјави Флик.

Сепак тамошните новинари тврдат дека тој може да остане само под еден услов.

„Флик ја има поддршката од Управниот одбор на клубот, тие мора да одговорат на неговото барање за раскинување на договорот. Исто така, ако ја раскинат соборатката со Хасан Салихамиџиќ, Флик би можел да ја промени својата одлука“, новинарот Плетенберг.

Глик во Баерн дојде на почетокот на ноември 2019 година. Тој освои се што можеше, баварскиот гигант го водеше на 81 натпревар, запиша 67 победи, има осум ремија и шест порази.

sportmedia.mk