35-годишниот колумбиски напаѓач во дресот на Галатасарај, Радамел Фалкао беше сериозно повреден на тренинг на екипата, јавија турските медиуми. Фалкао се судрил со еден од неговите соиграчи, играчот за врска Керем Актиркоглу, по што морал итно да биде хоспитализиран.
Прес-службата на Галатасарај извести дека кај напаѓачот е дијагностицирана фрактура на коска на лицето. Колумбиецот ќе биде подложен на операција. Времето потребно за враќање на терените, сè уште не е познато.
„Според резултатите од испитувањата, Керем Актуркоглу немал никакви здравствени проблеми. Како мерка на претпазливост ќе остане под опсервација“, додаваат претставниците на клубот.
sportmedia.mk