Евролига: Реал со „кралски“ старт против Дарушафака (видео)

epa07086681 Real Madrid's guard Sergio Llull (R) tries to score against Darussafaka's forward Stanton Kidd (L) during the Euroleague basketball match between Real Madrid and Darussafaka Dogus Istanbul at WiZink Center in Madrid, Spain, 11 October 2018. EPA-EFE/Juanjo Martin

Актуелниот шампион Реал Мадрид имаше убедлив старт на новата сезона со 109:93 победа над турската Дарушафака за да покаже дека и без словенечкиот вундеркинд Лука Дончиќ е фаворит за одбрана на титулата.

Реал водеше од стартот до финишот на мечот, и на полувреме имаше 15 поени разлика (53:38), за во второто таа разлика да дојде и до 24 поени, пред падот во играта во последната четвртина. Ентони Рендолф имаше 16 поени за Реал, а Реј Меккалам беше најефикасен за турскиот клуб со 18 поени.

Ефес имаше поубав старт од Дарушафака, откако со 90:71 славеше на гостувањето кај Баерн Минхен, откако германскиот клуб имаше сили за само една четвртина. Брок Мотум имаше 15, а Шејн Ларкин 14 поени за турскиот клуб.

Во најтесниот меч, Панатинаикос во Атина со 89:84 го совлада Макаби, откако дури во последната четвртина успеаја да го скршат отпорот на гостите. Мет Лоџески уфрли 20 поени, а Ник Калатес имаше 14 асистенции за грчкиот клуб.

ЕВРОЛИГА, 1.КОЛО

ЦСКА Москва – Барселона 95:75 (21:17, 30:12, 18:29, 26:17)

Панатинаикос – Макаби Тел Авив 89:84 (26:24, 20:21, 24:22, 19:17)

Баерн – Анадолу Ефес 71:90 (19:18, 18:26, 14:28, 20:18)

Реал Мадрид – Дарушафака 109:93 (25:18, 28:20, 38:31, 18:14)

Фото: ЕПА




извор: Makfax

Поврзани

Најнови вести

Коментари