Со прекрасниот гол на Анвар Ел Гази во 80. минута, екипата на Астон Вила стигна до победа на гостувањето кај Евертон со 1:2. Со овој пораз „Карамелите“ не само што ги изгубија шансите за четвртото место, туку треперат и за место во Лига Европа идната сезона. Моментално екипата на Анчелоти е на осмата позиција.

Оли Воткинс ја доведе Вила во водство во 13. минута, а изедначи Калверт-Луин во 19. минута.

За Астон Вила ова е прва победа на „Гудисон парк“ по декември 2008 година. Оваа екипа сега е на деветтата позиција во Премиер лигата.

sportmedia.mk