Еве на колку се проценува богатството на Ѓоковиќ! Ноле потрошил МИЛИОНИ, а уште колку има…
Најдобриот српски тенисер, а до неодамна неприкосновен владетел на „белиот спорт“, Новак Ѓоковиќ ја игра една од најтурбулентните сезони во кариерата.
Почнувајќи од Австралија, каде што беше депортиран, му беше забрането да игра на Индијан Велс и Мајами, се врати во Дубаи, а не му требаше многу да стигне до титулата во Рим.
И кога помисливме дека лошиот период заврши, следуваше отрезнувањето на Ролан Гарос.
Врските меѓу политиката и спортот се очигледно силни, па на Вимблдон нема да има бодови, а неговото учество на УС Опен поради статусот на вакцинација е се уште под знак прашалник.
Сето тоа се одрази на неговата заработка, па според тој параметар во 2022 година е само на 11-та позиција со 1.784.727 долари. Секако, на списокот со заработувачка на турнирите и понатаму неприкосновен е Новак Ѓоковиќ со 156.541.353 долари. За споредба, Рафаел Надал достигна цифра од 130.681.472 долари, додека Роџер Федерер 130.594.339.
Секако, и покрај тешките моменти, ниту тој, ниту неговото семејство не треба да се грижат за иднината, бидејќи неговото богатство се проценува на 220 милиони долари.
Она што е пресудно се неговите спонзорски договори од кои заработува вртоглави бројки. Иако ја прекина соработката со еден од најголемите брендови „Пежо“, има и такви кои не му го свртеа грбот во тешките моменти.
И покрај бројните притисоци, Лакост остана негов главен спонзор, кој е убедливо најпрофитабилен партнер за поддршка и може да вреди до 10 милиони долари годишно, вклучувајќи бонуси. Неговите преостанати главни спонзори се Head, Asics и Hublot.
Новак паметно го вложил своето богатство, а голем дел од парите отишле директно во хуманитарни цели или преку фондацијата „Новак Ѓоковиќ“ се „слевале“ таму каде што е најпотребно.
Српскиот тенисер има луксузни недвижнини ширум светот, дел од нив се и во Србија, а освен тоа поседува ресторан, има завидна колекција на автомобили, па дури и приватен хеликоптер. Покрај сето тоа, тој ја купи лиценцата на АТП турнирот во Белград, додека директорската улога му ја препушти на својот брат Ѓорѓе.
Недвижен имот
Се проценува дека рекордерот по бројот на недели на врвот на АТП листата во недвижности има околу 40 милиони.
Ѓоковиќ поседува многу луксузни имоти ширум светот. Една од неговите куќи се наоѓа во Марбела, Шпанија. Тој, исто така, поседува куќа на плажа вредна 6,2 милиони долари во Мајами, Флорида.
Тој платил 9,85 милиони евра за два луксузни апартмани во иста зграда во Сохо, Њујорк. Имоти има и во Монте Карло и Белград.
Станот во Монте Карло се наоѓа на една од најпрестижните локации, а соседи му се Луис Хамилтон и Каролина Вознијацки. Цените на двособен стан исто како оној на Ѓоковиќ во огласите се околу шест милиони евра.
Има и стан во Порто Монтенегро во Тиват вреден 2,2 милиони евра.
Сепак, во последно време ужива да се релаксира во природа далеку од големите градови, па си дозволи две вистински оази во Србија. Едната се наоѓа на Космај, додека другата на Павловачкото Езеро.
Автомобили
Ѓоковиќ поседува и колекција на импресивни автомобили. Колекцијата вклучува астон мартин од 200.000 долари и бентли од 230.000 долари. Има и електрично пежо 508 ГТ и пежо РЦЗ (прашање е дали уште ги вози поради раскинувањето на договорот со познатата марка).
Во неговата гаража има и мерцедес бенц С500, ауди Р8 и бмв М55Д, како и тесла модел Х и фиат 500.
Хеликоптер
Како и многу мега-богати спортски ѕвезди, вклучувајќи ги тенисерите Роџер Федерер, Серена Вилијамс и Ѓоковиќ, исто така, поседува сопствен приватен авион, кој се грижи за сите негови лични потреби за патување.
View this post on Instagram
Јахта
Во 2009 година Ѓоковиќ ја купи луксузната јахта „Manhattan 60“ Sunseeker за 2,5 милиони долари за да може заедно со неговата тогашна девојка Јелена, а сега и неговата сопруга, да уживаат во крстарење по Медитеранот.
Јахтата имаше четири кабини, дневна соба, кујна, бања и глисер кои ја придружуваа. Таванот беше покриен со кожа и парче плексиглас, што им овозможи на Ѓоковиќ и неговата партнерка вечерен поглед на Месечината и ѕвездите. Меѓутоа, подоцна ја продал јахтата.
Деловни и луксузни патувања
Семејството Ѓоковиќ поседува синџир на кафулиња и ресторани кои го носат името на познатиот спортист. Првично беше отворен ресторан во Нов Белград, а подоцна беше отворен уште еден во Дорчол, а потоа во Крагуевац и Бања Лука.
Исто така, Новак сака да патува, но бидејќи се случи целата ситуација со корона вирусот, тој претпочита да поминува време во Србија, како и во Црна Гора и Босна. Познато е дека Новак и Јелена се големи љубители на скијањето, па беа посетители на многу популарни дестинации.
Она во што Новак планира да вложи пари е тениската академија во Дорчол, а почна да гради и тениски терени во Босна, каде што е чест гостин.
