Ериксен во 91. минута за големи три бода за Тотенхем (видео)

Тотенхем како да се навикна мечевите да ги решава во последните минути, откако Кристијан Ериксен во 91. минута стрелаше за тешка 1:0 победа над Барнли на „Вембли“.

По драматичниот пласман во осминафиналето во Лигата на шампионите со 1:1 ремито на гости кај Барселона, Спарси како да немаа сили да се доближат на Ливерпул и Манчестер сити. Меѓутоа, тука беше „џокерот“ Ериксен за три поени за Тотенхем. Тотенхем останува трет во ПЛ со 39 поени, три помалку од второпласираниот Ливерпул и пет зад лидерот Манчестер сити.

Ако на „Вембли“ недостасуваа голови, тоа не беше случај на дуелот Ватфорд-Кардиф, каде што домаќините за малку ќе пропуштеа големо водство, за на крајот да победат со 3:2. Ватфорд водеше со 3:0 со головите на Деуфолеу, Холебас и Квина сѐ до 80. минута, пред гостите да постигнат два гола за само две минути за интересен финиш на мечот.

Њукасл ја прекина низата од три меча без победа со 1:0 триумф кај Хадерсфилд, додека Лестер загуби со 1:0 кај Кристал палас.

Фото: ЕПА

ПРЕМИЕР ЛИГА, 17.КОЛО

Кристал палас – Лестер 1:0

Хадерсфилд – Њукасл 0:1

Тотенхем – Барнли 1:0

Ватфорд – Кардиф 3:2

Вулверхемптон – Бурнемаут 2:0

извор: Makfax

Поврзани

Најнови вести

Коментари