Кристијан Ериксен се појави на тренингот на Интер, и ги изненади своите соиграчи. Во базата „Апијано Џентиле“ Данецот пристигна да ги поздрави своите соиграчи, и беше воодушевувачко за сите.

Данецот и натаму се рехабилитира по срцевиот удар кој го доби на мечот со Финска на ЕУРО 2020, и не е познато дали воопшто ќе се врати на терените. Тој е убеден дека ќе го стори тоа, но последниот збор ќе го имаат и докторите.

„Утрово Кристијан Ериксен дојде да ја посети екипата во „Апијано Џентиле“. Прекрасно е што го гледаме Кристијан насмеан меѓу нас. Може да се каже дека тој напредува, се наоѓа во одлична физичка и ментална форма. Ериксен се сретна со клупските директори, тренерот и соиграчите. Тој ќе ја следи рехабилитациската програма пропишана според данските лекари. Нашиот медицински персонал ќе биде информиран за целокупниот процес“, објави тимот на Интер.

 

sportmedia.mk