Одлична партија на младинскиот репрезентативец на Македонија, Агон Елези на “македонското дерби“ во ХНЛ меѓу Динамо Загреб и Вараждин. Меч кој заврши со сензационални 2:2, и тоа среде “Максимир“ рамките на редовното 34.коло на елитната лига во Хрватска.
Елези стрелаше во 35.минута за 1:1, претходно доби жолт картон, а имаше шанса и за втор гол. Исто така беше тој што ја започна акцијата на Вараждин за вториот гол на својот тим.
Тој беше на теренот до 85.минута.
Кај домашниот тим пак Стефан Ристовски беше стартер, а Аријан Адеми на 2:2 во 65.минута влезе во игра, сепак и покрај влегувањето на капитенот на “модрите“, старо – новиот шампион на Хрватска не успеа да победи.
sportmedia.mk
