Е.Пелистер без проблем дојде до бодовите на дуелот со Струга во рамките на осмото коло во плеј-офот. Избраниците на Жељко Бабиќ на гостински терен славеа со убедливи 16-30 (10-14) и остана зад Вардар 1961 со една победа помалку.

Оваа средба беше решена на средината на првото полувреме, битолчани со серија од 5-0 поведоа со 8-12, на полувремето ја имаа истата позитива од четири гола (10-14). Ритамот не го променија, предноста беше двоцифрена 15-25.

Радовиќ имаше шест гола, Мандалиниќ беше стрелец на еден помалку. На другата страна Ракочија постигна пет гола.

sportmedia.mk