Со двата гола на Нигериецот Џош Маџа, екипата на Фулам направи големо изненадување победувајќи го Евертон со 2:0 на гостински терен во последниот вечерен меч од 24. коло во англиската Премиер лига. Гостите ги искористија своите минути на „Гудисон Парк“ против збунетиот Евертон кој, патем, вечерва комплетно потфрли и на крајот однесоа голема и важна победа во трката за опстанок во англиската елита.

Момците на Карло Анчелоти иако беа супер-фаворити пред мечот, тоа не успеаја да го потврдат со играта вечерва. Овој седми сезонски пораз го држи Евертон и натаму далеку од водечката четворка на табелата.

 

sportmedia.mk