Додека Ламине Јамал вчера блескаше на гостувањето кај Бетис, неговиот татко имаше свое “шоу“ на трбините. Имено Мунид Насрауи, татко на тинејџерската ѕвезда на Барселона, Ламин Јамал, се најде во центарот на вниманието откако беше обвинет дека ги провоцирал навивачите на Реал Бетис за време на возбудливиот натпревар од Ла Лига во саботата.
Барселона победи со 3:5 на гостинскиот натпревар, а херој на натпреварот беше Феран Торес со хет-трик, додека Јамал и Руни Барџи исто така постигнаа голови. Каталонскиот гигант ја зголеми својата предност во однос на второпласираниот Реал Мадрид на четири бода.
Според извештајот на Јага де Вега на Радио Карусел Депортиво, ситуацијата на трибините станала напната откако таткото на Јамал наводно ги провоцирал домашните навивачи во негова близина. Се вели дека тој гестикулирал кон нив, што предизвикало гнев и довело до вербални конфронтации и напнати моменти.
Инцидентот барал интервенција на обезбедувањето на стадионот, кој му се приближил на таткото на Јамал и го замолил да се смири. Ова не е прв пат таткото на Јамал да биде во центарот на вниманието.
Минатата година, тој беше избоден по тепачка на паркинг во шпанскиот град Матаро. За среќа, тој се опорави и сега го придружува својот син на натпревари низ Шпанија и Европа.
Una vergüenza el “pseudo famoso” padre de Lamine Yamal provocando a los aficionados béticos desde un palco de La Cartuja.
Así se ha llevado todo el partido.
Algunos se creen foco cuando no llegan ni a linterna pic.twitter.com/HJoTazePZl
— Info Real Betis (@InfoRBB) December 6, 2025
