Во пресрет на утрешниот меч со нашата репрезентација во рамките на квалификациската група Ј за пласман на СП во Катар 2022 година, Николае Дика помошникот селектор на Романија имаше свое видување пред новинарите.
“Ние мораме да имаме амбиција да одиме на СП во Катар. Мора да покажеме победничка амбиција и против Македонија. Според мене Пандев е еден од најважните играчи на Македонија, но сепак Елмас е најопасниот. Игра во Наполи, а најмногу проблеми прави кога ќе се најде на 30 метри од голот. Сакаме да бидеме агресивни, да го притиска противникот, ќе видиме колку ќе успееме во тоа“, вели Дика.
За тоа дали селекторот Мирел Радои ќе ја води репрезентацијата против Македонија, Дика посочи.
“Јас се надевам дека Радои денеска и утре ќе добие два негативни теста на Ковид-19. Сепак ако не може тогаш јасно е дека во текот на мечот ќе бидеме во постојана комуникација. Ако нема да биде физички со нас сепак ќе има некој што ќе има постојан контакт со селекторот“.
sportmedia.mk