Легендата на Ливерпул, Стивен Џерард одговори на шпекулациите кои го поврзуваат со тренерското место на клупата на својот долгогодишен клуб. Човекот кој на Ренџерс годинава му ја донесе шампионската титула во шкотската Премиер лига, е сметан за фаворит за наследник на Јирген Клоп на „Енфилд“.
По серијата слаби резултати на „црвените“ и опцијата Клоп да ја преземе германската репрезентација откако Јоаким Лев најави дека летово ќе си замине од кормилото на националниот тим, неговата кандидатура станува се поактуелна.
„Не треба да зборуваме за тоа сега, затоа што го имаме еден од најдобрите менаџери на чело на клубот. Го сакам и го почитувам многу. Се надевам дека ќе остане уште многу години. Јас имам работа тука во Ренџерс. Не мислам дека нешто ќе помогне сега да се зборува за тоа. Се надевам дека Јирген ќе остане долго во Ливерпул“, вели Џерард.
sportmedia.mk