Денеска од 13 часот на Арената “Тодор Проески“ во Скопје, Вардар го игра својот најважен меч во оваа сезона, ако не и во последните неколку сезони. Имено денеска во директен дуел против Ренова, вардарци ќе ја бараат сламката на спасот во ПМФЛ. Во случај на победа тогаш Вардар ќе има +3 бода од Ренова и ќе ја остави да се дави на тоа претпоследно место. Во случај пак на пораз, е тогаш нашиот најтрофеен клуб веројатно со двете нозе ќе биде во Втората лига,едноставно ќе му нема спас.
Тоа истото важи и за Ренова. “Гипсарите“ по 15-16 години постојано играње во ПМФЛ, освојување на пехари и ПМФЛ и Купот на Македонија, претставување на Македонија во Европа во повеќе наврати сезона имаат лоши, катастрофални резултати и како никогаш досега се соочуваат со испаѓање од елитата.
Значи и за Вардар, но и за Ренова денешниот дуел од 27.коло е да се БИДЕ ИЛИ НЕ.
Традицијата вели дека Вардар е фаворит, Ренова не памети кога славела на гости кај својот денешен ривал. Досега овие две екипи одиграле 59. меча, Вардар има 25 победи, 21 натпревар завршил без победник а Ренова има само 13 триумфи.
На Ренова никако не и оди против Вардар, но денешниот меч е нешто посебно, се работи за клупската судбина и за двата ривали.
sportmedia.mk