logo
logo
logo

Деби за заборав: Пелистер демолиран на Златибор од Ловќен

Vecer | 13.10.2021

Деби за заборав: Пелистер демолиран на Златибор од Ловќен

Екипата на Пелистер со убедлив пораз дебитираше во АБА 2-лига, на првиот дуел на турнирот во „Златибор“ беше совладан од Ловќен со 108-85. На голема среќа противникот се опушти, па на крајот разликата падна.

Трајковски и Малешевиќ беа први стрелеци, двајцата заедно постигнаа 41 поен, Кесар имаше 17 поени.

Избраниците на Марјан Илиевски имаа сили само за едно полувреме. Во овој период, поточно некаде пред самиот крај добро парираа, имаа и дури и водство, по што влегоа во поентерска криза од која не успеаја да се вратат.

Противникот по 46-42 на одморот, направи неверојатна серија од 23-2 и поведе со 69-44. Највисоката негатива која Пелистер ја имаше во третата четвртина беше 83-53. Битолчани ниту имаа решение во одбраната, ниту пак покажаа нешто во нападот, тонеа во сопствените грешки.

Претходно кошаркарите на македонскиот тим поведоа со 9-10, па и 11-13, по првата четвртина имаа негатива од 22-19, беа рамнопрвен противник до средината на вториот период, кога Ловќен со серија од 9-0 за 43-36 го направи посериозниот чекор кон превземање на контролата на мечот.

Шанса за поправен, битолчани ќе имаат во петок против Сутјеска.

ФОТО: АБА-лига/Драгана Стјепановиќ


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk