Белгискиот интернационалец Кевин де Брујн  беше еден од најзаслужните за триумфот на Сити над ПСЖ на „Паркот на принцовите“ со 2:1 во првиот полуфинален меч од ЛШ. Тој го постигна првиот гол за Сити, а потоа му го препушти слободниот удар на Марез кој погоди за победа.

Бевме добри во првите 10 минути, но штета за примениот погодок. После тоа им дозволивме да направат уште неколку полушанси. Некако тешко игравме во тие моменти, па потоа го сменивме пристапот и работите изгледаа подобри. Во второто полувреме игравме многу, многу подобро. Ги ставивме под голем притисок. Првиот гол беше среќен, дури ни јас не верував дека топката ќе влезе. Голманот мислеше дека некој ќе ја допре таа топка, а тоа не го стори никој и таа се истркала во мрежата. Продолживме да го притискаме противникот и да ја држиме топката во наш посед.
Трпеливо си ја баравме шансата. Морам да кажам тие не се противник против кој можеш лесно да играш. Сепак, тимот реагираше одлично. Добро излезе за голот на Марез. Тој ме праша дали може да шутира. Му реков, шутирај ако веруваш во себе. Тој шутна и погоди. Победивме, но се уште не е готово. Следува реванш и мораме да се сконцентрираме на тоа“, изјави Де Брујн.

sportmedia.mk