Победничката низа од 4 последователни триумфи за Далас заврши синоќа на гостувањето кај Оклахома. Без својата прва виолина, Лука Дончиќ, Мавси не успеаја да го изненадат домаќинот кој со 116:108 успеа да оствари посакувана победа. Интересно е што Далас во својот тим го немаше и Порзингис, кој исто така не беше дел од тимот на ова гостување.
Словенецот има проблем со скочниот зглоб на десната нога, додека Летонецот се пожалил на повреда на десното колено. Во отсуство на првите две ѕвезди во тимот, Ричардсон со 27 поени беше најефикасен кај Далас, додека кај Оклахома Жилиус-Александ со 32 поени и 6 асистенции го предводеше тимот до победа.
Сигурна победа синоќа за ЛА Клиперс кои на домашен терен го совладаа Голден Стејт со 130:104. Ленард со 28 поени ги предводеше домашните до 25-тата сезонска победа, додека Гостите ја продолжија лошата серија и го запишаа четвртиот последователен пораз.
Бруклин без Дурент успеа да слави на дербито со Бостон 121:109. Ирвинг со 40 поени и шут 15/23 беше лидер во домашниот тим, каде Харден заврши со 22 поени. Кај Постон Тејтум со 31 поен беше најефикасен.
НБА РЕЗУЛТАТИ:
Шарлот – Детроит 105:102
Бруклин – Бостон 121:109
Торонто – Атланта 120:121
Чикаго – Филаделфија 105:127
Мајами – Орландо 111:103
Милвоки – Њујорк 134:101
Њу Орлеанс – Минесота 105:135
Оклахома – Далас 116:108
Портланд – Феникс 121:127
Сакраменто – Хјустон 125:105
ЛА Клиперс – Голден Стејт 130:104
sportmedia.mk
