Навивачката група која го бодри Пелистер, популарните Чкембари се познати по тоа што се екстремно лојални кон својот клуб. Низ годините Пелистер знаел да биде и освојувач на купот, и претставник во Европа но и второлигаш, или кандидат за испаѓање.
Во моментов Пелистер се мачи на резултатски план, но денеска „обели образ“ и тоа на домашен терен. Обезбеден триумф против Ренова со 3:1, и тоа значи мирен сон барем до среда и новото коло.
Чкембарите беа тука како и обично, но не на трибина, поради пандемијата, туку стационирани веднаш до стадионот, на полуларниот битолски базен, односно високиот тобоган. Од таму може да се следат мечевите, и тоа како во ложа што се вели. Вистинско уживање, особено што Пелистер денес победи, а на Чкембарите тоа им е најважно нели…
sportmedia.mk