Челзи со 2:0 го победи Њукасл и се израмни со Вест Хем на делба на 4. место на премиерлигашката табела. Лондончани вечерва на својот стадион, практично во едно полувреме го решија прашањето на победникот.
Со голот на Оливие Жиру, тимот на Томас Тухел поведе во 31. минута на мечот, а само 8 минути подоцна, Тимо Вернер успеа да се запише во листата на стрелците со својот петти гол сезонава за предност од 2:0 за „сините“ која практично остана задржана до крајот на мечот.
Ова беше четвртта последователна победа на Челзи под водство на Тухел, па оттука и не е случајно враќањето на „сините“ во кругот на главни кандидати за место во Лигата на шампионите следната сезона.
sportmedia.mk