Во дербито од 35. коло на Премиер лигата, Челзи со пресврт славеше на гостувањето кај Манчестер Сити со 2:1 и ја одложи прослават ана шампионската титула за „граѓаните“.
На Сити му требаше победа за да ја обезбеди титулата денес, но сега „граѓаните“ ќе мора да чекаат на прослава и официјалното прогласување на шампионската титула барем до следното коло.
Сити почна добро и поведе со голот на Стерлинг во 44-та минута, по што следуваше промашен пенал на Агуеро во финишот на првиот дел.
Во второто полувреме гостите приредија целосен пресврт.
Хаким Зијех погоди за 1:1 во 63-та минута, а во 92. минута Алонсо погоди на центаршутот на Вернер за триумф на лондонски тим.
По оваа победа, Челзи дојде на третото место со 64 бода и е на чекор до обезбедување на пласман во групната фаза од Лигата на шампионите.
sportmedia.mk
