Претседателот на УЕАФ Александер Чеферин во својата последна изјава беше дециден околу начинот на кој ќе биде организирано следното Европско првенство на кое е учесник и Македонија.

Тој стриктно им наложи на градовите организатори првично дванаесет на број дека нема да дозволи мечевите да ги организираат без публика и дека доколку тоа се случи организацијата ќе им биде одземена.

„Секој град мора да гарантира дека ќе има публика на мечевите. Без публика мечеви нема да има. Така одлучивме и така и ќе биде“ – изјави Чеферин па додава.

„Идеално би било да сите дванаесет градови бидат во игра, но доколку некој отпадне ќе организираме со еднаесет, десет, девет…. Се надевам дека нема да мораме да ја менуваме шемата и распоредот, но ако е тоа потребно и ќе се случи“ – вели првиот човек на Европскиот фудбал.

 

sportmedia.mk