Ракометарите на Бутел Скопје со три победи на три меча се враќаат од подготовките во Србија. Во последниот контролен натпревар одигран денеска, Бутел славеше над незгодниот тим на Црвена Звезда со 27-25.

Бутел имаше предност и на паузата (12:11), а во вториот дел успеа да ја дополни предноста за победа од два гола размика. Најдобри стрелци беа десниот бек Душан Трифковиќ со пет погодоци, а по четири постигнаа Горан Печенковски, Бојан Спасовски и Јовица Младеновски.

Претходно бутелани ги совлада Вождовац и Шамот Аранѓеловац.

sportmedia.mk