logo
logo
logo

Бутел добро го намачи Вардар, шампионот го реши мечот во последните пет минути

Vecer | 22.05.2021

Бутел добро го намачи Вардар, шампионот го реши мечот во последните пет минути

По поразот од екипата на Еурофарм Пелистер во Битола, ракометарите на Вардар одиграа уште еден просечен меч од домашното првенство и тесно го победија Бутел во скопската пресметка од 11. коло на плеј-оф делот од Суперлигата. Бутел одигра солидно и до 10-тина минути пред крајот го држеше мечот во Егал, но Вардар на крајот се одлепи и славеше со 26-22.

Бутелчани му дадоа голем отпор на шампионот, и до самиот крај на мечот го држеа во потполна рамноправност. Во првиот дел Бутел успеа да поведе со 1-3, но Вардар брзо се врати во игра и успеа да одржува гол-редност до пред самиот крај на полувремето. Бутел со два гола победе со 9-10, но до крајот на полувремето Вардар успеа да избори егал – 11-11.

Ништо поразлично не беше и во вториот дел. Бутел успеваше да се одржи во ритам се до последните минути од мечот. На средина на вториот дел во 45. минута беше 18-18, а Вардар се одлепи на два гола во 21 минута кога поведе со 22-20, а потоа на 2 минути пред крајот разликата се зголеми на плус 4, (25-21), што практично значеше и комплетно скршен отпор на градскиот ривал.

фото: РК Вардар1961


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk