logo
logo
logo

Бунтовникот Гордон го засили Њукасл, а Тете е првиот Бразилец кој ќе игра за Лестер

Vecer | 29.01.2023

Бунтовникот Гордон го засили Њукасл, а Тете е првиот Бразилец кој ќе игра за Лестер

Официјално, Њукасл ги засили своите редови со младиот офанзивен играч за врска Ентони Гордон кој ги бојкотираше тренинзите на Евертон изминатите денови сакајќи да издејствува трансфер. „Карамелите“ кренаа раце и го продадоа 21-годишниот англиски фудбалер, а неофицијално сумата на трансфер е 40 милиони фунти плус 5 милиони во форма на бонуси, а договорот е до 2028 година.

А Лестер објави дека нов играч во тимот е бразилското крило Тете кој доаѓа како позајмен од редовите на Шахтјор Доњецк. Договорот е со важност до 1 јули оваа година без опција за откуп на договорот што значи дека играчот ќе мора да се врати во Шахтјор по истекот на позајмицата. Тој е првиот Бразилец во редовите на „лисиците“.

Инаку првиот дел од сезоната Тете го помина како позајмен во Лион со тоа што постигна шест гола и пет асистенции. На него му беше дозволено од ФИФА да го напушти Шахтјор после воената инвазија на Русија врз Украина, па тој прејде во Лион. Сега ќе игра за Лестер.

 


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk