Екипата на Борусија Дортмунд се закити со трофејот од Купот на Германија откако вечерва во финалето на Олимпискиот стадион во Берлин славеше со 4:1 против РБ Лајпциг. Уште по првото полувреме „милионерите“ имаа предност од три гола затоа што погодија Џејдон Санчо два пати и еднаш Ерлинг Халанд.

Во второто полувреме Лајпциг намали со голот на Дани Олмо во 71. минута, а во 87. минута Халанд ја запечати победата за Дортмунд.

Ова е петти трофеј од Купот за Борусија Дортмунд и прв после 2017 година.

Лајпциг не успеа да триумфира во Купот во вториот обид. Во првото финале во 2019 година беа поразени убедливо (0:3) од Баерн Минхен.


sportmedia.mk