Борец – Вардар 2:0, тоа е епилогот од денешната битка за опстанок во Велес, во меч од 30.коло во ПМФЛ. Борец освои големи три бода и тоа против директниот конкурент, четата на стратегот Борче Христов беше далеку подобра, создаде повеќе шанси и апсолутно заслужено победи.
„Максимално влеговме во натпреварот. Знаевме дека ова е многу важен меч за нас по се она што ни се случуваше на минатите средби кога игравме добро а немавме среќа. И на овој натпревар со Вардар создадовме повеќе шанси, а реализиравме само две. Искрено заслужено победивме, но можевме таа победа да ја изразиме со поголема разлика. Сепак најважни се трите бода“ изјави за СПОРТМЕДИА стратегот на велешани Борче Христов.
sportmedia.mk