Атлетико Мадрид за малку не успеа да ги обезбеди трите бода против градскиот ривал Реал Мадрид и да ја впише првата победа над соседот после шест години. „Јорганџиите“ водеа со 1:0 се до 88 минута кога му дозволија на Бензема да изедначи и да спаси бод за „Кралевите“.

Погодокот за Атлетико го реализира Луис Суарез во 15 минута на асистенција на Љоренте. „Кралевите“ иако играа ослабени без неколку првотимци, пред се Рамос, Карвахал и Азар па се обидуваа да најдат дупка во одбраната на домашната екипа, а ја најдоа во 88 минута. Повратникот Бензема, кој ја залечи повредата, успеа да погоди.

Бензема имаше двојно славје. Тој го одигра 371 натпревар и стана странски играч со најмногу настапи во Ла Лига, го пројде Роберто Карлос кој остана на 370.

Атлетико е прв на табелата со 59 бодови од 25 одиграни натпревари, втора е Барселона со 56 бодови но од 26 меча. Трет е Реал со 54 бодови од 26 меча.

sportmedia.mk