Евертон не успеа да го победи Кристал Палас на домашен терен во рамките на Премиер лигата и со тоа направи чекор назад во борбата за излез во квалификациите за Лигата на шампионите. „Карамелите“ не ја оправдаа улогата на фаворити, иако поведоа со голот на Џејмс Родригез, сепак, гостите спасија бод со погодокот на Миши Батшуи во финишот на мечот.
Палас е во сигурна зона со 12 поени подалеку од последните три екипи на осум кола до крајот на шампионатот. Евертон е со четири бода помалку од четвртиот Челзи кој има и меч помалку.
sportmedia.mk
