Екипата на Баскет КАМ од Македонска Каменица е првиот финалист на овогодинешниот Плеј-оф во женска конкуренција.
Актуелниот освојувач на Купот, уште еднаш беше пресилен за екипата на Вардар.
Во својата сала „Кирил и Методиј“ во Македонска Каменица, победија со убедливи (97:56), доволно да дојдат до (2-0) во полуфиналната серија на плеј-офот, и да „влезат“ во големото финале каде ќе имаат можност да се борат за двојната круна.
Кој ќе им биде противник во финалето, веројатно ќе биде познато по одигрувањето на вечерашниот дуел (од 18.часот), во кој екипата на Бадел 1862 има предност од (1-0) во серијата со Крива Паланка.
ФОТО: КФСМ
sportmedia.mk
