Холандскиот фудбалер, Мемфис Депај од редовите на Лион ќе се пресели во Барселона само доколку на клупата остане Роналд Куман.
Според „Марка“ сите детали се договорени, останува да биде оставрен единствениот и главен услов.
„По доаѓањето на Лапорта, местото на Куман не е најсигурно. Доколку Лапорта одлучи да го смени тренерот, во тој случај ќе бидат потребни дополнителни преговори за доаѓањето на Депај“, пишува „Марка“.
Депај по завршување на сезоната ќе биде слободен играч и сака да соработува со Куман, па токму поради ова е подготвен да игра за помала плата за да го оствари својот сон.
Тој е одличен напаѓач, кој може да игра на крилните позиции, тоа го покажа во Лион по пеколните години во Манчестер Јунајтед. Депај дресот на премиерлигашот го носеше од 2015 до 2017 година.
ФОТО: Memphis Depay
sportmedia.mk
