Тренерот на Барселона Роналд Куман, може да ја напушти функцијата на крајот од тековната сезона, пренесува ЕСПН.

Според изворот, неколку директори сметаат дека стилот на игра на Куман не е во согласност со долгорочните цели на клубот и ќе се откажат од него дури и ако Барселона го освои шпанскиот шампионат.

На три кола пред крајот на сезоната четири шпански клубови се во трка за титулата. Во предност е Атлетико кој има 77 бода, а Барселона го следи од второто место заедно со Реал (75). Свои шанси се уште има и Севилја (71).

Куман го презеде кормилото на Барселона во август 2020 година, а има активен договор до крајот на следната сезона.

sportmedia.mk