logo
logo
logo

Барса до бодовите во Памплона, деби гол за Мориба (видео)

Vecer | 06.03.2021

Барса до бодовите во Памплона, деби гол за Мориба (видео)

Барселона со 2:0 ја совлада Осасуна во гости во 26. коло на шпанската Ла Лига. Погодоците беа дело на Жорди Алба и надежниот напаѓач на „Каталонците“ Илакс Мориба.

Шпанецот постигна убав гол, а претходно фантастично беше проигран од Лео Меси. Алба од косо шутираше силно и ја заби топката во голот на противникот. Интересно, осум од последните свои 16 гола Алба ги реализирал на асистенција на Меси.

Во финишот на мечот Меси запиша уште една асистенција, убаво го проигра Мориба, а тинејџерот со убав шут од далечина ја погоди мрежата на домаќините.

Барселона со новите бодови му се приближи на лидерот Атлетико на два бода, но да кажеме и дека мадриѓани имаат и два меча помалку од „Каталонците“. Осасуна е на 13-тото место.

Барса ја запиша 17-тата победа сезонава и прва на „Ел Садар“ по 2016 година.


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk