Во Баерн Минхен не е се така супер во овие моменти. Промена на тренерот најдобриот фудбалер има понуда од Реал Мадрид, раната елиминација во ЛШ, но сепак за некои новитети секогаш има време.
Така и сега, а се знае дека во таборот на баварската гордост никогаш не се мирува.
Имено за наредната 2021/22 сезона, се разбира откако навивачите ќе добијат дозвола да се вратат на трибините, нема да има продажба на влезници за „Алианц Арената“ како досега, во хартија или пластика. Се подготвува вистинска револуција.
“Со цел да се заштити околината ние нема да нудиме печатени влезници, ниту пак тие од пластика кои ги нудевме како сезонски билети. Ова ќе биде наш придонес во заштита на околината и пред се климатските услови“ изјавија од Баерн Минхен.
Во превод влезници ќе се продаваат само преку мобилна апликација, преку која исто така ќе може да се резервира и паркинг место.
sportmedia.mk
