Повторно европска екипа на тронот на светот. Баерн Минхен е освојувач на светската титула откако во финалето на Светското клупско првенство во Катар ги совлада Тигрес со 1:0. Актуелниот германски и европски првак влезе како огромен фаворит за триумф со оглед на поквалитетниот играчки кадар и поради фактот што Тигрес за првпат играат на Светското клупско првенство и првпат во финале.

Во 18 минута Џошуа Кимих погоди, но неговиот гол беше поништен поради офсајд. Сепак, во 59 минута Бенјамин Павар.

Ова е четврта светска круна за Баерн, а претходните ги освои во 1976 и 2001 кога ова натпреварување беше Интерконтинентален куп, а откако е под новото име и новиот формат ова е втора титула по онаа во 2013 година.

Исто така ова е шести трофеј по ред за Баерн.

Бронзата на турнирот ја освои африканскиот првак Ал Ахли од Египет кој во мечот за третото место го совлада Палмеирас на пенали 3:2 откако во регуларниот дел беше 0:0.

sportmedia.mk