logo
logo
logo

Баер (Л) ќе има нов тренер - Жерардо Сеоан

Vecer | 19.05.2021

Баер (Л) ќе има нов тренер - Жерардо Сеоан

Германскиот бундеслигаш Баер (Л) следната сезона ќе има ново тренерско име. Како што објави новинарот Патрик Бергер на Твитер, на крајот на сезоната на клупата на Баер ќе седне Жерардо Сеоан, кој во моментов е тренер на швајцарски Јанг Бојс.

Според изворот, 42-годишниот Швајцарец ќе потпише двегодишен договор со Баер.

Кон крајот на март, Баер го разреши Питер Бош од функцијата главен тренер. Поранешниот селектор на Германија до 19 години, Ханес Волф, беше назначен за вршител на должноста тренер до крајот на сезоната, но тој нема да ја добие довербата на клубот да ја предводи екипата и во новата сезона.

На коло пред крајот на Бундеслигата, „фармацевтите“ се шести на табелата со 52 освоени бода.


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk