Менува тимот на Борец и тренери и играчи и управа во овој зимски преоден рок. Бурно е во Велес, активно се работи на поправање на ситуацијата во клубот и сега засега работите одат во правилна насока. Се носат засилувања што искусни од типот на Ванче Шиков, што млади и со голема перспектива како Азер Омерагиќ.
Македонскиот младински репрезентативец и досегашен член на тимот на Хајдук Сплит од денеска е нов член на тимот на Борец и веќе одработи тренинг под водство на тренерот Борче Христов.
Омерагиќ е дете на Вардар ја мина целата младинска школа на нашиот најтрофеен клуб, од каде што и замина во Хајдук Сплит. Сепак, интернацоналната авантура за напаѓачот заврши брзо, па сега Омерагиќ ќе собира драгоцено прволигашко искуство во Велес.
sportmedia.mk
