Австрија Виена, еден од најголемите клубови во Австрија, ако не и најголем, поради долгови ќе мора во следната сезона да игра во понизок ранг. Имено како што потврдија челниците на Австриската фудбалска федерација, клубот не добил лиценца за настап во елитата за следната сезона и тоа поради долгови од неверојатни 80 милиони евра.
Клубот за една недела има должност да ги достави сите неопходни документи во врска со овој случај.
Инаку Австрија Виена во својата историја 24 пати била шампион на својата земја, има финале и во Купот на УЕФА, а за овој клуб од 2014 до 2016 година со голем успех играше и нашиот некогашен репрезентативен стопер Ванче Шиков.
sportmedia.mk