Ремито со Реал Мадрид не ги растревожи премногу играчите на Атлетико Мадрид кои само неколку денови подоцна стигнаа до победа над Атлетик Билбао со 2:1 во заостанатиот меч од 18. коло во Ла Лига. Иако губеа уште од 21 минута со голот на Муниаин, изедначувањето го донесе Маркос Љоренте во 45 минута.

На почетокот на второто полувреме судијата покажа пенал по фаул на Унаи Нуњез во сопствениот шеснаесетник. Луис Суарез погоди за 2:1, резултат кој беше и конечен.

Атлетико има 62 бода од 26 меча, шест повеќе од второпласираната Барселона. Атлетик Билбао е на осмото место.

sportmedia.mk