Менаџерот на Арсенал, Микел Артета проговори за недостигот на трансфери кај Арсенал во зимскиот преоден рок. Тој вели дека искрено посакувал ново засилување, но…
„Имавме јасна намера, како и секогаш кога ќе се отвори пазарот, да ги истражиме можностите за засилување на нашиот тим со играчи кои можат да имаат влијание. Повредите на играчите си го земаа данокот и не го постигнавме тоа што го посакувавме. Во таа смисла сме разочарани, но разбираме дека сакаме да привлечеме само одредени играчи и треба да бидеме многу дисциплинирани во тој поглед. Тоа се играчи кои мислиме дека можат да не направат многу подобри. Финансиски, има многу работи што треба да ги направиме за да останеме на патот што не донесе до тука и да се обидеме да се подобриме“, вели Артета.
