„Њујорк тајмс“ објави дека Шпанецот дури ангажирал професионални џепчии кои еден ден биле во тренинг центарот каде што се наоѓа Арсенал, а многумина немале поим што се случува.
Овие џепчии успеаја да се камуфлираат како персонал во ресторанот, а потоа Артета ги шокираше играчите на Арсенал на вечерата кога им објасни што се случува.
На крајот од вечерата, Артета поабрал од играчите да ги испразнат џебовите и да ги стават работите на маса.
Кога го направиле тоа, многумина од нив сфатиле дека им недостасуваат вредни работи и воопшто не им било јасно каде исчезнале и што се случува во тој ресторан.
Потоа Артета им објаснил на играчите што направил и дека ангажирал професионални џепчии, а на почетокот биле видно шокирани бидејќи не им било јасно зошто шпанскиот стручњак го направил тоа.
Сепак, Артета рече дека тоа го направил за да ги научи играчите колку е важно да се биде внимателен и фокусиран во секое време, и дека тие мора да бидат подготвени на се.
Ваквиот потег на Артета уште еднаш покажа колку е иновативен и на секој начин се обидува да им одржи лекција на своите играчи и психички да ги засили.
