Играчот за врска на екипата на Арсенал, Дани Себаљос, нема да остане во редовите на „топчиите“ и следната сезона.
Според познатиот италијански новинар Фабрицио Романо, 24-годишниот Шпанец ќе го напушти лондонскиот клуб на крајот од сезоната и ќе се врати во „Кралскиот клуб“. Себаљос ги брани боите на Арсенал од јули 2019 година. Оваа сезона тој одигра 23 натпревари за лондонскиот клуб во англиската Премиер лига и постигна 3 асистенции.
Инаку, младиот репрезентативец на Шпанија има активен договор со Реал (М) до 30 јуни 2023 година.
sportmedia.mk
