Младиот играч за врска на Арсенал, Џо Вилок, од денеска е нов фудбалер на Њукасл. Тој како зимско засилување пристигнува на „Ст. Џејмс Парк“ со договор за позајмица до крајот на сезоната. Лондонскиот клуб сакаше 21-годишниот играч за врска да ја добие потребната минутажа, која очигледно нема шанси да ја добие во овој состав на „топчиите“, па затоа реши да не го попречува во кариерата и го испрати во Њукасл.
Второто младо име на „топчиите“ кое во последниот ден од преодниот рок замина од „Емирати“ е Ејнсли Мејтланд-Најлс, кој беше желба и на Лестер и на Саутемптон, но заврши во ВБА затоа што лондончани не сакаа да го испратат во конкурентните тимови за врвот. 23-годишниот играч ќе се обиде да им помогне на ВБА да опстанат во елитата.