Поразот на Шефилд Јунајтед со 0:2 од Ливерпул во меч од 26. коло на Премиер лигата се покажа историски за англискиот фудбал. За „сабјите“ тоа беше 21. пораз по 26 одиграни кола во Премиер лигата. Тоа е срамен неславен рекорд кој се случува за првпат по 50 години.

Последниот клуб кој загубил 21 меч од првите 26 двобои во англиски шампионат бил Њупорт и тоа во сезоната 1970/71 во тогашната четврта дивизија.

Шефилд е закован на последното место во Премиер лигата и со микронски шанси за опстанок. Ниту една екипа во историјата која била оддалечена 15 бода од сигурната зона и 12 меча до крајот не успеала да се спаси.

sportmedia.mk