Тренерот на РК Вардар, Стевче Алушовски пред утрешното гостување во Сегед во меч од Лигата на шампионите, ги истакна своите очекувања. Тој истакна дека на ова гостување тимот оди без некој голем притисок, но исто така и без бело знаме.
„Не очекува нов натпревар со ПИК Сегед. Денеска го одржавме првиот тренинг после тој меч кој го загубивме дома. Анализиравме каде грешевме и во одбрана и во напад. Имаме мали проблеми, Борко Ристовски има повреда на колено, нема да настапи 90% во Сегед. Без секого се може и се мора. Ќе одиме во Сегед без некој голем притисок, но не со бело знаме. Празните трибини не им даваат некоја изразито фаворитска улога на домаќините. Се фаворити, но и ние не сме без шанси и ќе направиме се да се вратиме со позитивен резултат“, истакна Алушовски.
sportmedia.mk
