По се она што се случи во полуфиналето во Купот, и поразот од Силекс, јасно е дека голема е тагата во таборот на Струга Трим Лум. Финалето беше сонот на сите во клубот, но така е тоа во фудбалот. Некогаш потребно е и од поразите да се дигнеш, да бидеш уште подобар.
Струга ТЛ денеска во меч од 26.коло му гостува на Борец во Велес.
За тоа што може да се направи на овој меч свое видување има Марјан Алтипармаковски…
“Многу сум несреќен по поразот во полуфиналето од Купот. Од друга страна сега треба да се соземеме и да сфатиме дека се уште сме во игра за излез во Европа. Во Велес не очекува тежок меч, но јас верувам во победа на Струга Трим Лум на гости кај Борец“ истакна популарниот Маца.
Арлинд Шабани, големиот талент за стружани, кој најверојатно во јуни – јули ќе направи голем трансфер во Турција, за него се заинтересирани Касимпаша и Ризеспор, исто верува дека може да се дојде до победата…
“По елиминацијата во Купот, секако дека сега сме фокусирани на следниот меч, а тоа е денешното гостување во Велес. Уверен сум дека ќе дадеме се од себе како би ги освоиле тие три бода“ посочи Шабани.
sportmedia.mk