Поранешниот светски шампион во Формула 1, Шпанецот Фернандо Алонсо (39), е пуштен на домашно лекување по операција на вилицата. Шпанецот беше опериран откако доживеа сообраќајна несреќа во Швајцарија кога го удри автомобил, додека возеше велосипед.
Несреќата се случила во близина на неговата куќа во Лугано, а Шпанецот веднаш бил пренесен во болницата, каде бил опериран.
„По одреден период на набљудување, Алонсо беше пуштен на домашно лекување. Алонсо сега ќе има краток период на целосен одмор пред постепено да продолжи со тренинзите за да се подготви за почетокот на сезоната“, се вели во соопштението од неговиот тим, Алпин Ф1.
Шпанецот на социјалните мрежи објави дека со нетрпение го очекува почетокот на новата сезона.
sportmedia.mk
