Раководството на шпанскиот прволигаш Алавес доцна синоќа му врачи отказ на тренерот Абелардо Фернандез поради лоши резултати.

Алавес во последните 13 натпревари оствари само една победа, две нерешени и дури 10 порази во сите натпреварувања и е последнопласиран во Ла Лига со 23 бодови, три помалку од зоната која обезбедува опстанок во прволигашката конкуренција.

Абелардо се врати во Алавес пред два месеци, а претходно го водеше клубот неколку сезони. Под негово водство Алавес обезбеди опстанок во Ла Лига во сезоната 2017/18, а следната сезона го освои 11 место.

sportmedia.mk